شباب وبنات جيل 2007 بضمان أمريكي اوربي غربي اسرائيلي بعدم القدرة على الحياه الكريمة

السلام عليكم ورحمة الله وبركاته
نقلا عن مدونة احمد wanda
http://wenda.jeeran.com/wenda/archive/2007/12/408369.html

باقة أمل لابد ان نصنع الامل كي نتجاوز المحن والامل في العودة لله وسنة رسول الله...

شباب وبنات جيل 2007 بضمان أمريكي اوربي غربي اسرائيلي بعدم القدرة على الحياه الكريمة الجمعة, 14 ديسمبر, 2007 السلام عليكم ورحمة الله وبركاته , كل عام وانتم بخير بمناسبة عيد الأضحى الذي سوف نستقبله خلال ايام.. لا احب ان اطيل عليكم عنوان الموضوع شباب وبنات جيل 2007 بضمان أمريكي اوربي غربي اسرائيلي بعدم القدرة على الحياه الكريمة باختصار شديد لعدم الاطالة فهذه لمحة من بعض المشاكل والعقبات التي يواجها الشباب في طريق الدنيا والآخرة وحلها من هم الشباب؟؟؟ هم عصب اي دول او امة والشباب في الإسلام ؟؟ هم عصب الأمة الاسلامية وسر انتصارها وقوتها واساس الامة من الشباب والجنود من الشباب والافكار الناجحة دائماً من الشباب لإن الشباب هم الدماء المتجددة دائما وهم الحماس وهم الطاقة وهم اغلب الشعوب في عدد السكان وهم الطاقة والحيوية اذا ماذا حدث في الامة الاسلامية بإسلوب يفهمة الجميع "اللغة العامية "؟؟ الامة الإسلامية بتنهار الآن ونحن في عام 2007 طيب ازاي؟؟؟ نقول ازاي !!! , بس حنبتدي من اول السطر الشباب دوول كانوا اطفال والاطفال محتاجين لتربية , والتربية بإيد الاباء والامهات ومن شب على شئ شاب عليه اذا المرحلة الاولى هي التربية , وليس اي تربية بل تربية اسلامية صحيحة , تنشأ جيل من الشباب القوي مثل عمر بن الخطاب رضي الله عنه و على بن ابي طالب كرم الله وجهه , وعثمان بن عفان وغيرهم اذا كانت نيتك ايها الاب وايتها الأم هكذا فسوف نجد ان الاطفال يصبحوا رجالا منذ الصغر يعرفوا واجبهم تجاه الله وكيفية طاعة الله بطريقة صحيحة بدون مغالاه وبدون تراخي والاطفال اليوم كيف حالهم !!!! اطفال النهاردة يا جماعة مش اطفال دوول كتلة من الشقاوة على كتلة من الشر و و و و.... والسبب في دة إية؟؟؟!!!! ببساطة الأهل سايبنهم للدنيا تعلمهم الولاد والبنات الصغييرين ياخدوا العادات والتقاليد من ممثل او ممثلة او اصدقاء سوء او او او.... وبنلاقي اطفال في عمر صغير من 7 ل 12 او 14 كلامهم يتخلله كلام في الجنس وكلام عن الفيديو كليب والمصارعة الحرة والمسلسل الفلاني و الاغنية الفلانية والاطفال يقولوا لبعض شوفت اللعبة الجديدة اللي نزلت على الكمبيوتر انا عندي اللعبة دي والبنت تقول لصاحبتها , شوفتي المغنية الفلانية انا نفسي ابقى في نفس جمالها شوفت السجارة دي , انا جربتها ولقيت انها بتعمل دماغ انا شوفت حتت فيلم ثقافي انما ايه وهم ,, والمقصود بالثقافي " الجنسي" وشوفت وشوفت وشوفت وشوفتي وشوفتي وشوفتي طبعا كلام غير واعي من اطفال ليس هم خبرة في الحياة إيـــــــــــــــــــــه!!!!!! رايحين على فين راجعين من الدرس ؟؟ طيب كنتم في نت كافيه؟؟ طيب كنت بتتمشوا شوية؟؟ يابنتي جاوبني كنت ماشية مع مين؟؟ يووووووووووو دي اسئلة كثيرة لازم يكون ليها جواب عند الاهل , بإسلوب غير مباشر حتى لا يشعر المراهق انه متحجم في تحركاته وحياته دوول اطفال لحد اول سن المراهقة ونطلع من المراهقة لمرحلة الشباب اللي اهم جزء فيها المراهقة من 14 الي 18 و 20 سنة دي اهم مرحلة في عمر الإنسان اللي فيها بيتبني جزء كبير من شخصيته واخلاقه تخيلوا شباب وبنات طالعين يعرفوا كل شئ عن كل شيء ومعندهمش دافع ايماني يحميهم حيبقوا ازاي؟؟؟!!!! * شباب اصحاب بنات * بنات بتخرج مع ولاد بعلم الأهل او بدون علمهم * تجاوزات بتحصل بنهم من اول لمس الإيد لحد الزنا * مستقبل بنات بيروح , واخلاق زيادة بتفسد * فيديو كليب ليل نهار شغال في الفضائيات عمال يعرض كليبات شبه اباحية ومثيرة للغرائز اذاعة في الراديو على احدى الموجات تزيع اغاني 24 ساعة في ال 24 ساعة , بالاضافة الي برامج تافهة * وبرامج بتتحدث عن الحب المحرم " بدون زواج " *افكار خاطئة بتتزرع في مخ الشباب والبنات عن الحب والزواج عن طريق النت والمسلسلات والافلام والفيديو * كليب والبرامج التافهة سواء ازاعية ام فضائية * أطفال وشباب في اعمار مختلفة النت والالعاب "الاون لين " واخدة جزء كبير من تفكيرهم * وشباب وبنات واطفال بيدخنوا السجاير والشيشة واللي اكثر من كدة * وحنلاقي شباب مش قادر يتحمل المسؤلية , حتى مسؤلية نفسة , عايز كل حاجة سهلة * ازدياد الحقن الفكري الامريكي الغربي الاوربي الإسرائيلي والهدف تدمير تفكير الشباب وتهزيل قواهم * من افراطنا في الذنوب والمعاصي مش عارفين نعيش نصح ولا نطيع ربنا صح باللي باقي عندنا من قوة * الرياضة الشباب اهملها واتجه لرياضة كرة القدم ولكن عن طريق البلاي استيشن ورياضة كركرة الشيشة أحنا كدة قولنا جزء من انهيار الشباب منذ الطفولة وحتى مراحل المراهقة والشباب ومعنى ان شباب الامة بينهار يبقى الامة معظمها حينهار وتحذير عام للجميع في مننا بيعصي الله وربنا غني عننا ويقدر سبحانه يخلق امة او أمم تانية تنصر دينه او ناس تسلم وينصروا دين ربنا سبحانة وتعالى طيب ليه مايكونش لينا الشرف ان النصر يكون على إيدينا ليه مانكونش طماعين في الثواب الكبير اللي ان شاء الله لينا لو نصرنا دين الله قال تعالى والله غني وانتم الفقراء وان تتولوا يستبدل قوما غيركم هذه جزء من ايه رقم 38 من سورة محمد يعني ربنا سبحانه وتعالى مش محتاجنا ننصر دينه لانه الغني ونحن فقراء الي الله , فقراء الي رحمته , فقراء الي نعمته , فقراء الي كرمه وفقراء للابد , وسبحانه قادر يخلق امة تانية تنصر دينة , وقادر يهدينا , بس احنا ندعي ربنا ونرجع ونبدأ من الثانية الجاية في طاعة ربنا طيب هل الشباب دوول يقدروا في المستقبل يجيبوا اجيال تنفع الامة الإسلامية؟؟ الجواب بالطبع لا لانهم مش عارفين يعملوا حاجة لنفسهم وفاقد الشئ لا يعطيه وازاي يبنوا من غير اساس وهما مافيش اساس عندهم من البداية الحياه مش حتستمر بالشكل دة طيب هل ربنا سبحانه وتعالى يرضى عن اي نوع من الشباب ؟؟ قبل الجواب اي حديث حيذكر فيه شاب او رجل يدخل في المعنى الانثى ايضا مثل ان الذين آمنوا الذين آمنوا يقصد الرجال والنساء وهكذا تأملوا هذا الحديث القدسي حديث قدسي عن الشاب الطائع يقول الله سبحانه وتعالي في حديث قدسي :: ((احب ثلاثا وحبي لثلاث اشد احب الغني الكريم ولكن حبي للفقير الكريم اشد واحب الفقير المتواضع والغني المتواضع اشد واحب الشيخ الطائع والشاب الطائع اشد وابغض ثلاث وبغضي لثلاث اشد اكره الفقير البخيل والغني البخيل اشد واكره الغني المتكبر والفقير المتكبر اشد واكره الشاب الفاسق والشيخ الفاسد اشد)) معنى البغض : الكره فهل انت اخي طائع وهل انتي يا اختي طائعة لله واحذروا ان تكونوا من الفاسقين تعريف الفسق :هو العصيان والترك لأمر الله عز وجل والخروج عن طريق الحق والاستقامة والفاسق في الشرع : عرفه بعض أهل العلم : بأنه من يرتكب الكبيرة أو يصر على الصغيرة بكدة احنا نكون عرفنا جزء من مشاكل الشباب وهي التربية لانها الجزء الاكبر في تأسيس شخصية الإنسان والحل لكي ننجوا بالشباب ؟؟!!! عشان نلاقي شباب يتحمل المسؤلية !!!! عشان نلاقي شباب بيغضوا البصر !!! عشان نلاقي بنات محجبات ومحتشمات !!! عشان حال الشباب يتغير للاحسن وشبابنا يكونوا اقوى !!! عشــــــــــــــــــــــــان!!!!!!!!!!!!!!!! نلغي الضمان الامريكي الاوربي الغربي الإسرائيلي بعدم القدرة على حياه كريمة !!!!! نرجع لربنا بجد -اباء وامهات وشباب وبنات وكبار سن وكل المسلمين -الآباء يتعلموا دينهم من اول وجديد ويكملوا النقص اللي عندهم ويتقوا ربنا في اللي باقي من عمرهم -الأمات يعملوا نفس الكلام ثم ماذا بعد... الآباء يتعلموا كل شئ عن دينهم وايضا الامهات ويعرفوا ازاي رسول الله صلى الله عليه وسلم كان بيربي , وازاي نزرع في اولادنا الحلال والحرام من الصغر , وازاي نعالج النقص اللي عندهم , وازاي يتعايشوا مع مجتمع متفتح لدرجة تغصب ربنا , وازاي يتمسكوا بطاعة ربنا لاخر ثانية في عمرهم واللهي حنلاقي اجيال من الشباب مثل عمر وعثمان وعلي رضي الله عنهم جميعا او مثل عمر بن عبد العزيز من التابعين واتباع التابعين والصحابة حنلاقي بنات تشرح القلب في اخلاقها وحجابها وتضرعها لله حنلاقي اخلاق الرسول صلى الله عليه وسلم في كل ولد وفي كل بنت حنلاقي الاطفال بيحفظوا قرآن بدل ما حافظين الاغاني صم حنلاقي اطفال وشباب وبنات بيبوسوا إيد ابوهم وامهم حنلاقي دنيا حلوة جميلة مع طاعة ربنا كدة انتهى الموضوع بتاعي ولم تنتهي المعاني ولم ننتهي من علاج كل المشاكل لو نلاحظ !!!! اننا بنحاول نصلح من اخطأنا ولا نقوم بدور الدعاه في دعوة غير المسلمين الي الإسلام فأحنا عايزين؟؟؟ عايزين نوصل لمرحلة اننا ندعوا غيرنا مع تذكير بسيط بأمور الدين , وليس كل اوقاتنا في اصلاح عيوبنا عايزين نوصل لمرحلة عالية جداً واللهي نقدر , لو اتقينا الله في اللي باقي من عمرنا ورجعنا لطاعة ربنا, ربنا سبحانة وتعالى حينولنا شرف وثواب ان ناس يقولوا لا اله الا الله محمد رسول الله على أيدينا ولا ننسى ان هناك عائلات تربي ابنائها وبناتها على دين الله حق التربية وهم الامل بالاضافة الي من سيصلح الله حالهم من الشباب والبنات والي الامام بإذن الله ارجوا من الجميع نشر هذا الموضوع وجميع الموضوعات التي تجدوا فيها خير للمسلمين ورسالة اخيرة مش عايزين نستسلم لاي مخخط خارجي او داخلي لتدمير المسلمين عامة والشباب خاصة