فن الحياة .. الماضي والمستقبل

فن الحياة .. الماضي و المستقبل



بسم الله الرحمن الرحيم

نظر لقرب موعد اعلان النتيجة .. اكتب لنفسي هذه الكلامات ..



التحسر على الماضي

هناك الكثير من الناس من يقوم قلقهم على الماضي وعلى ما فاتتهم من فرص
فلا يكفون عن التفكير في ما كان يجب عمله وما لم يجب عمله في احد المواقف التى مرت عليه من قبل
وطبعا بلا طائل ..

لان زي ما بيقولوا .. ئلي فات مات
طبعا مش بقول ننسي الماضي خالص
لكن يكفي فقط ان نتعلم من الماضي لانه مصدر الاعتبار والاستفادة لتحسين طريقنا في المستقبل
ولكن المغالاه في التحسر على الماضي والتفكير فيه بعمق وتحسر
امر ضار ولا نفع به


اما عن المستقبل ..

اإن اللهفة على المستقبل ومعرفة ما يخبئ لك القدر وما تشعر به من قلق ..اكثرها شيوعا
(من السابقة)

فسبحان الله

ان الله خالق هذا الكون ومقدر الارزاق ومرتب الدرجات للناس في الدنيا

فلنقل تحسرنا على ما فاتنا .. لا ننا لاندري المجهول
ولو اطلعنا على المستقبل والغيب .. لفضلنا الواقع

فليكن لنا في الله الثقة .. ثم في انفسنا .. وللنظر إلى الامام
ولنبتسم للشدائد ..ونتوكل على الله ولنتخلص من القلق .. والنشعر بلذه الحياة والكفاح فيها
وسواء .. غنمت منها ام غرمت ..

فكذلك الحياة .. يوم لك ويوم عليك

الله يستر
اخوكم

فن الحياة .. تحمل المسؤؤلية

فن الحياة .. وتحمل المسؤولية

السلام عليكم ورحمة الله وبركاته

.. بعد طول غياب نعود إليكم .. نعتذر عن التقصير في متابعة المدونة الفترة الماضية نظرا لظروف نفسية وعصبية وعاطفية واجتماعية وتربية عسكرية :)

لا احب الحديث عن حياتي كثيرا إلا اذا كان هناك موقف من المواقف القوية .. التى تضيف إليك ما يسمى ( بخبرة الحياة )

نبدأ الموضوع أ بتعريف التربية العسكرية لمن لا يعرفها .. لان كتير اوي بيستغربوا منها .. ومش بيكونوا مصدقين ان في حاجه كده

التربية العسكرية بتكون في الكلية بتاعتك زي القاهرة وعين شمس و الازهر مثلا وبيدخلها ئلي عنده اخ وئلي معندوش كله لازم ياخودها لائمة ممكن ما ياخوتش شهادة التخرج من الكلية بسببها

بتكون 15 يوم بتصحي كل يوم الصبح الساعة 7 ونص .. وتروح البيت الساعة 2 الظهر .. ( اذا كان الضباط جدعان معاك ) في الفترة دي بئه

.. بتقف طابور الصبح .. بتقول اناشيد زي ( بلادي بلادي والكلام ده ) وبتتحرك في مكانك وتتعلم مبادئ ( الف باء ) جيش مثلا ازاي توقف وازاي تسلم على الضابط وتعمل تمام وهكذا

القسم الثاني من اليوم بيكون محاضرات

المحاضرات دي .. بتعلمك حاجات كتير اوي

منها انك بتشوف البندقية وازاي بتتفك وبتتركب وبتضرب ازاي والحاجات دي

وكمان بتتعلم ازاي تلبس القناع الواقي بتاع الغازات

وازاي تعرف ان في قنابل غاز اتحدفت عليك او اتحدفت في المكان ده او لا .. ( طبعا اذا الواحد كان لسه عايش ساعتها ) و

كمان بيعلمك ازي تبلغ عن جواسيس .اذا شوفتهم .. او ازاي الشباب ما ينجروش للحركات اليهود وتجندهم

وكمان في المحاضر بيدلك فرصة وحرية للنقاش تقول ئلي نفسك فيه وبيجاوبك بردوا بنفس الحرية .. بس مش اوي

:D
بس اغلب الضباط ئلي كانوا بيدونا المحاضرة .. كل همهم حاجة واحدة بس
انه بيغرس في الطلاب .. الانتماء وحب بلدهم وانهم يتحملوا المسؤؤليه وما يهربش منها

والان احكي لكم الموقف .. بعد 15 يوم من الكلام عن تحمل المسؤؤليه وان الانسان يكون راجل يواجهه المواقف حتى وان كانت سهله وبسيطة .. ما يستخسرش ولا يكون كسلان .. بس يعمل ئلي عليه يخاليه جريء لان اذا عمل غير كده هايشجع غيره انه هايقلده .. وبكده ما نلقيش حد يقوم بالمهمة المطلوبة سواء في الشارع في البيت في الجيش

وزاد الكلام في هذا الموضوع خاصة في اخر يوم ..

وبدأ الضابط يحكلنا عن مواقف كتير شافها عن تهرب جماعي من الجيش .. والطرق ئلي بيستخدموها علشان يهربوا من الجيش

ئلي بيروح للدكتور ويحط قطرة في العين تخاليه ما يشوفش كويس وقت الكشف الطبي

وئلي يروح للمأذون علشان يطلق باباه من مامته على الورق بس .. وطبعا اذا مامته مطلقة وهو العائل بيكون مالوش جيش

وهكذاا

.. انا خايف اقولكم على كل حاجه لحسن تنقوا طريقة منها

:D

المهم كان عالينا امتحان عملي في اخر يوم .. ياعني الظابط يطلع 5 افراد ويبدأ يمتحنهم عملي على كل حاجه اتعلموها
عندنا في الكلية المدرجات متقسمة 3 اقسام .. يمين ووسط وشمال

الظابط بدأ باليمين وبدأ يمتحن
ناس كتير غلطت في الامتحان .. بس هو طنش وفضل مركز على بقية المدرج :)
كل الناس لقيت الاستهتار من الظابط ومش بيشوف ئلي بمتحنوا كويس .. فئلي بدأ يتكلم وئلي بدأ يهزر .. وهكذاا .. وكان خلاص خلص المدرج ئلي في الوسط وئلي اليمين

وفاضل الشمال بدأ فيه

فجآة .. زعق باعلي صوته
ايووووووووووووووووووووووووووووووووووة تعالي هنا ياولد .. ده انا مستنيك من بدري

الولد راح للظابط.. ووشه احمر واحنا مش عارفين عمل ئيه ..

راح اخد اسمه .. ورقم الكارنية بتاعه .. وقاله انتا هاتعيد ال تربية العسكرية تاني ( 15 يوم تعذيب من اول جديد ) فعلا صعب عليه

قالنا عارفين هو عمل ئيه ..؟
وراح قالنا الولد ده .. ا .. اتنقل من مكانة من المدرج الشمال .. للوسط وقعد وسط الناس

قاله انتا اتنقلت ليه ؟؟؟

انتا شايف ان الامتحان صعب .. ؟

شايفني بغلس على الاولاد ومش بنجحهم ؟

شايف ان ئلي امتحنوا قبليك حصلهم حاجه ؟
الولد معرفش يرد
راح الضابط بصلنا كده .. وقال هي دي النماذج ئلي موجوده في وسطنا ئلي بضيع البلد .. مش بتردى تتحمل مسؤؤليه رغم ان مفيش حاجه هاتحصل اذا غلط بس هو الاستسهال والكسل وعدم الامبالاه
وكمل الضابط المحاضرة تهزيق في الولد .. وقال كل ئلي هايمتحن بعد كده وئلي هايغلط ......... هاكتب اسمة وهايعيد ال 15 يوم تاني
وفعلا بدأ يمتحن الناس بجد ووقف الولد على جنب .. وكل شويه يكتب اسماء الناس ئلي هاتعيد التربية العسكرية

ويقوله شوفت كل ده اتخدوا بذنبك
لحد ما كتب اسماء كتيررررر اوي وبعدين قال للطلابه ئلي هو احنا ( احكموا انتوا عليه اسمحوا ولا اخاليه يعيد التربية العسكرية ) وقالنا حط نفسكم مكاني ..
وئلي عاوز يعقبه يرفع يده
مفيش حد رفع من 1000 واحد غير 2 او 3
طيب ئلي كان هايسمحوا يرفع ايده أغلب الناس رفعت ايدها
عارفين ليه اغلب الناس رفعت ايديها .. علشان تسامحه .. مع ناس كتير اتئذت بسببه
لان فعلا اكتر من 95 % من الناس ئلي كانت قاعدة فكرت في الفكرة دي

وانا اولهم بصراحة :D

ياعني حركات تتضحك ( زي شغـلتـك على المدفع برورووم ) بس مجبر انك تروح تعملها وكان الضابط متساهل فعلا .. محدش حس انه ممكن يعمل كده ابدا
بس سبحان الله .. الضابط ده ادى ل 1000 واحد درس .. ان حتى لو كانت الحاجة بسيطة لازم الواحد يكون راجل قصادها وويتحمل المسؤؤليه وخالنا نندم ان احنا فكرنا اصلا في التفكير ده
بس ده موقف من المواقف ئلي شفتها واثرت فيه جدااا وحبيت ان الناس تستفاد بيها لانه درس عملي وواقعي وبيحصل كتيررررر اوي واظن ان ده ئلي جايبنا للوراه :)
وشكرا على الاستمرار في القرآة حتى هذه الكلمة .
واسأل الله تعالى ان يكون هناك افادة و القاء ضوء على هذه المشكلة

اخوكم :)

هل عرفت من انت؟

هل عرفت من انت؟

وجدت احدى المطويات الصغيرة .. بهذا الاسم ( اجازة سعيدة ) احببت ان انقل اجزاء منها مع بعض الاضافات لتعم الفائدة لما فيها من شحذ الهمم وتوجيه الطاقات

يقول الله تعالى ( انهم فتية امنوا بربهم وزدناهم هدى ) هل لاحظت كلمة فتيه ياعني شباب تم ذكرهم في القرآن الكريم وقال صلّ الله عليه وسلم " جئت فصدقني الشباب وكذبني الشيوخ " آي ان اكثرهم تصديقا كان من الشباب

ويكفيك ان تعلم ان

علماء الاجتماع يقيسون حضارات الامم واستمرارها بالشباب وما يهتمون به فأنت بتمسكك بدينك ووطنيتك ستتقدم وترقى وتكون انت وبلدك والامة الاسلامية في مقدمة الشعوب

فهل عرفت من انت ؟؟

بصمة التميز

لكل منا بصمة الابهام بل بصمة الصوت التى تتميزه عن كل ما في الكون وكلنا يعلم الكثير من علماء وعظماء ومشاهير في كل مجال لهم بصماتهم الواضحة في تاريح البشرية هل سألت نفسك
كيف وصلوا إلى هذه المكانة اين هي بصمتنا المميزة التي اضفنا بها شيء في حياتنا ؟
فلنحاول معا نضع الطريق

ضع اهدافك وصنفها حسب حاجات الروح _ العقل _الجسد

حدد الوسائل التى تحقق هذه الاهداف

ضع جدول زمني قصير المدى .. وطويل المدى لهذه الاهداف

قم باجنده لكل هذه الاعمال تابع ما تم انجازة ولا تيأس من ضعف الانجاز في البداية

الطريق

مميزات الرجال

القعقاع بن عمرو : رجل بجيش .. لايهزم جيش وفيه القعقاع بن عمرو

محمد الفاتح : تنفست اوربا الصعداء بعد موته بعد ان فتح القسنطينة وعمرة كان 18 سنة

والكثير من الامثلة موجودة في تاريخنا الحاضر والماضي

انت رسول رسول الله صلّ الله عليه وسلم

لتبدأ الانطلاق فإن نجاحك دائما هو امر بيديك وحدك ان ادركت انك قادر فعلا على التغير نعم البداية صعبة لا ننكر ذلك

.. ولكن اذا فتحت الطريق ستجده مفعما بالنجاح والقوة والسعادة

ايمان + عزيمة + ارادة = التخلص من العاداات قديمة

فاول خطوة لتحقيق الهدف هي الاستيقاظ من النوم

فانت رسول رسول الله صلّ الله عليه وسلم فلا تهدأ وليس في عقلك علم ولا في جسدك قوة إلا وفي روحك خشوع لله تبارك وتعالى

فالمؤامرة قد احكمت حولك لتبقى مهملا في الحياة لا تنم وانت سليل رجال .. الرجل منهم بالف رجل وتذكر اجدادك وما وصلنا إليه

لا تنم واستعن بالله وانطلق في افاق الحياة واغتنم كل لحظة في حياتك ولا تنس في كل لحظة انك لبنه في بناء شامخ .. ولا تنس انك من امة محمد صلّ الله عليه وسلم خير امة اخرجت للناس

فقم من نومك وانفض عنك الكسل قم ولا تنم

فانت رسول رسول الله صلّ الله عليه وسلم .. فكيف تنام ؟؟

استريحوا في سلام فلن نسـمح بتكرار هذه الغلطة مرة اخرة

بسم الله الرحمن الرحيم

اثناء دخولي عالم التدوين والتصفح هنا وهناك محاولة التعلم من الذين سبقوني في هذا المجال .. ليس التعلم فقط في اسلوب لكتابة .. ..ا نما نوعية ما يتم كتابته من موضوعات مختلفه .. منها ما هو مفيد .. ومنها ما هو مفيد ( علشان محدش يزعل :) ) ولكن جذبني موضوع مشترك رائيته في اكثر من مدونة وباساليب مختلفه
وكان الموضوع عن ذكرى النكسة والاسرى المصرين والعرب .. وما لاقوه على ايدي الصهاينه

بصراحه اعجبني الموضوع بشده ولكن لم استطيع الكتابه به لقله خبرتي في عالم المدونات
اما اليوم على الاقل استطيع ان اقوم فقط بواجبي اتجاه هؤلاء الاسرى وضحايه الحرب كمواطن مسلم عربي مصري

والكتابه بما يتوافق مع امكانياتي البسيطة

استريحوا في سلام فلن نسمح بتكرار هذه الغلطة مرة اخرة

هذه الكلامات القوية التى تهز مشاعر كل انسان حينما يعلم آين كتبت هذه الكلامات .. ولم ؟!! انها كلمات مكتوبه على النصب التذكاري الذي

اقيم في مدينة هيروشيما اليابانية تخليدا لذكرى ربع مليون مواطن ياباني قضت عليه اول قنبلة ذرية في العالم

القنبلة الذرية التى دمرت واحرقت وشوهت كل ما في المدينة .. مدينة باكملها تم تدميرها في لحظات
لكن بصمود عجيب وقوى ارادة في غاية الغرابة تصبح هذه البلاد من اقوى البلاد واكثرها تتطورا ..
اذا زارها زائر .. لن يجد اثر لهذه القنبلة .. الا اذا اعتبرت العمارات الشاهقة والسيارات الحديثة .. والتطور القوى في التكنولوجيا اثر للقنبلة ذرية !

نقارن انفسنا بهم ؟

نكسة 67 .. تدمير الجيش مصري واحتلال اجزاء من الوطن العربي قتل وتشريد الكثير من المواطنين العرب
ولكن لم يحدث ان تقدمنا مثل اليابانين .. والغريب انه بقدر ما وقع عليهم من كارثة تفوق ما اصابنا .. ولكن كما يقولون بقى الوضع على ما هو عليه بالنسبة لنا

ربما نكون قد تقدمنااو حدث تغير ما .. ولكن ليس بالمقدر المناسب التى نستطيع ان نقول اننا تطورنا .. فما زالنا نعتبر من الدول المتخلفة آآقصد كما يقولون دول العالم النامي

ولا اعلم هل نحن مستعدين لمثل هذه الكوارث ومواجتها مرة اخرى .. ام لا ؟
هل نتعلم من اليابانين .. ام ..نبقى على هذا الوضع
لا اعلم لماذا كوارثهم تترجم فيما بعد للتطور وانجازات .. بينما كوارثنا تترجم بعكس ذلك

عموما حتى لا يطيل الكلام .. فقط احببت ان اقول لضحايا كوارثنا .. واتمنى ان يقولها الجميع بمعناها وافعالها و بصدق

استريحوا في سلام فلن نسمح بتكرار هذه الغلطة مرة اخرة

" فهذه احدى فنون الحياة التعلم من تجارب الاخرين ومن تجاربنا السابقة "
فن الحياة

وصلني تاج .. لولولولولولولي

وصلني تاج من اخي في الله الغريب ( عبد الرحمن ) .. هو مش غريب بالنسبة لي
وهذه اول امرة يصلنى
فمش عاوزين حد يتريق من اولها :@

التاج

أنت مين؟

محمد بضم الميم وفتح الحاء شاب مسلم مصري قاهري ازهري طبعا كل اسم صفة من دول ليه مدلولااات كتير اوي وممكن الواحد يعرف شخصية الواحد منها او بمعنى اصح تسهل عليك السؤال .. هو مين ..

مين اكتر ست شخصيات بتحبهم؟

سؤال مش محدد من الحاضر ولا من الماضي ياعني من بداية خلق الارض لحد دلوقتي ... هايكفي 6 شخصيات بس ؟؟؟ عموما هو في اكتر من 6 بس هانجاوب على مقدار السؤال 1_ سيدنا محمد صلّ الله عليه وسلم

ابو بكر الصديق رضى الله عنه
عمر بن الخطاب رضي الله عنه

عثمان بن عفان رضي الله عنه

علي بن ابي طالب كرم الله وجهه

جميع الصحابة .. وتابعيهم .. وتابعيهم .. وتابعيهم .. إلى يوم الدين

أنت سعيد؟

مممم ... قال تعالى ( لقد خلقنا الانسان في كبد ) ياعني في تعب ومشقة
فمهما وصلت للدرجة من درجات السعادة .. لازم تروح ويحل محلها التعب والمشقة ..
لان السعادة الحقيقة مش في الدنيا .. انما في الاخرة
فاجابة السؤال : الحمد الله على كل حال من الاحوال

لو أجتمعت أنت وحسنى مبارك فى غرفة واحدة هتقوله ايه؟

مش عارف هو الحرس اصلا هايخليني اكون معاه في غرفة واحدة ولا لا من الاول .. فده سؤال مش واقعي اوي .. وممكن نقول كلمة كده ولا كدة .. .ونروح في داهية على الفاضي .. بس هانفرض انه ممكن يحصل .. الله اعلم هل سيصل مقدار الايمان .. اني هاقدر اقوله اتقي الله في شعبك وفي الشعوب العربية ولا لا .... الله اعلم ( ربنا يجعل كلمنا خفيف عليهم )

لو معاك مليون ونص هتعمل بيهم ايه؟

بس اعرف مين ئلي كاتب التاج ده ؟؟؟ كل دي احلام بيحلم بيها؟؟؟
مليون ونص كتير اوي .. انا بس كنت عاوز نص مليون ... علشان

الواحد ما يتسرقش مليون ونص

.. اكيد مش هاتصدق بيهم كلهم مرة واحدة

ياعني كل يوم هاحط جنية في المسجد .. لان قليل دائم

خير من كثير زائل ...

يمكن في جنية يتقبله الله .. ويمكن في جنية يكون في ذرة رياء والعياذ بالله ...

وان شاء الله نقسم الفلوس .. على فقراء مصر ... وشعب فلسطين .. ودارفور .. والصومال .. وبغداد .. والشيشان .. وكشمير .. واذا الفلوس كفت

.. هي الفلوس بتخلص بسرعة كده ليه ....

!! بتحب مصر؟ا

اكيد .. ونفسي تكون اجمل بلاد الدنيا هي فعلا جميلة بس نفسي تكون اجمل .. ويكفي ان ربنا ذكرها في القرآن خمس مرات .. والرسول صلّ الله عليه وسلم ذكرها وقال ان جنودها خير جنود الارض وانهم في رباط إلى يوم القيامة

.. بس مع الاسف الناس دلوقتي اعتمدت على الحضاراة ئلي اتعملت من مش عارف كام سنة .. ودايما يفتكروا امجاد الماضي ...

لكن احنا دلوقتي مش بنعمل آي حاجة علشان الاجيال القادمة هايفتخروا بيناا

الواقع : ان احنا عايشين دلوقتي وبحياتنا دي .. والشباب اغلب حكياتهم مع بعض دلوقتي .. يااااااه انا كسبت فلان 10 _ صفر في بلاي ستيشن ولا في فيفا .. والتاني يرد عليه .. لالالا انا كسبته في العبة دي وبهدلته

نتخيل : ان بعد 70 سنة حفيد حفيد حفيدك .. يجي وعاوز يفتخر بالجيل ئلي فوق ده .. ياترى الاحفاد هايقولوا لبعض ئيه

؟؟انا جدي كان لعيب بلاي استيشن كبيرررررررررر اوي :D ??

ياعني مع الاسف .. والتطور والبناء .. بيمشي بطئ اوي .. او يكاد يكون واقف نسبيا

بس بردوا بحب مصر .. ونتمنى من الله ان الواحد يضع زلطة حتى علشان تكون اجمل بلاد الارض

بتحب البنات؟

هو انا مواليد شهر اغسطس .. وبيقولوا ان ئلي مولود في الشهر ده بيكون كده

بس انا مش بعترف بالحاجات دي .. لان اظن كل الناس عندها الشعور ده

... الاب بيحب بنته .. والام بتحب بنتها .. والجد بيحب حفيدته .. والزوج بيحب زوجتة ... والاخ بيحب شقيقته فعادي فكل الناس بتحب البنات هاتيجي علية انا ؟؟ :D

أنت مسلم؟

الحمد الله على نعمة الاسلام وكفى بها نعمة .. :)

ليه ؟

بسباطة شديدة جداا ... والاجابة في قولة تعالى ( ان الدين عند الله الاسلام ) بس

وكمان بالمنطق .. :

تخيل نفسك في حقل الغام .. ومش عارف تخرج ازي .. لان لو مشيت كده ولا كده .. الغم هاينفجر فيك

بس سبحان الله ربنا خالك تشوف اثار اقدام واضحة وظاهرة لحد ما وصلت للسور الحقل وخرجت بسلام من هذا الحقل

هي نفسها .. في الدنيا ئلي احنا عايشنها .. ربنا بعتلك الرسول محمد صلّ الله عليه وسلم .. ومشي ووضحلك الطريق .. وخرج بسلام وربنا اعطاله نهر الكوثر في الجنة ( انا اعطيناك الكوثر * ) فلازم تكون مسلم زي الرسول :)

أيه اكتر موقف محرج أتعرضت ليه؟

مممممم ان واحد يطلب مساعدة .. وانا مقدرش اعملها له

اتصرفت ازاى؟

:D بساعده اكيد

ئيه الامنية اللى بتدعى ربنا انه يحققها ليك؟

زي آي واحد في الدنيا .. النجاح التوفيق .. الاولاد والزوجة الصالحة .. الغنى .. الصحة .. الستر .. والاهم من ده كله .. القناعة

في الاخرة بئه .. الفردوس الاعلى .. ربنا يجعلنا من اهلها

انتهى ..

التاج .. بالامر يروح عند اخى الاسيف .. وئلي لسه موصلوش التاج بس بشرط يكون خلص الامتحانات وفاضي :)

فن الحياة : مقولات في النجاح

فن الحياة : مقولات في النجاح


إذا لم تحاول أن تفعل شيء أبعد مما قد أتقنته فأنك لا تتقدم أبدا
رونالد اسبورت

إن أعظم اكتشاف لجيلي ، هو أن الإنسان يمكن أن يغير حياته ، إذا ما استطاع أن يغير اتجاهاته العقلية
وليام جيمس

عندما أقوم ببناء فريق فأني أبحث دائما عن أناس يحبون الفوز ، وإذا لم أعثر على أي منهم فأنني ابحث عن أناس يكرهون الهزيمة
روس بروت

يجب أن تثق بنفسك .. وإذا لم تثق بنفسك فمن ذا الذي سيثق بك !!؟؟

ما الفشل إلا هزيمة مؤقتة تخلق لك فرص النجاح

لعله من عجائب الحياة ،إنك إذا رفضت كل ما هو دون مستوى القمة ، فإنك دائما تصل إليها
سومرست موم


إنسان بدون هدف كسفينة بدون دفة كلاهما سوف ينتهي به الأمر على الصخور
توماس كارليل

إن قضاء سبع ساعات في التخطيط بأفكار وأهداف واضحة لهو أحسن وأفضل نتيجة من قضاء سبع أيام بدون توجيه أو هدف

عندما تعرض عليك مشكله أبعد نفسك عن التحيز والأفكار المسبقة ..وتعرف على حقائق الموقف ورتبها ثم اتخذ الموقف الذي يظهر لك انه أكثر عدلاً وتمسك به

البحث يعلم الإنسان الاعتراف بخطئه والافتخار بهذه الحقيقة أكثر من أن يحاول بكل قوته الدفاع عن شيء غير منطقي خوفا من الاعتراف بالضعف بينما الاعتراف علامة القوة

يستحيل إرضاء الناس في كل الأمور … ولذا فإن همنا الوحيد ينبغي أن ينحصر في إرضاء ضمائرنا

لا يقاس النجاح بالموقع الذي يتبوأه المرء في حياته .. بقدر ما يقاس بالصعاب التي يتغلب عليها

نحن نسقط لكي ننهض... ونهزم في المعارك لنحرر نصراً أروع.. تماما كما ننام لكي نصحوا أكثر قوةً ونشاطاً

ويقول الله تعالى

من عمل صالحاً من ذكر أو أُنثى وهو مؤمن فلنحيينه حياةً طيبة ولنجزينهم أجرهم بأحسن ما كانوا يعملون

فأخبر تعالى ووعد من جمع بين الإيمان والعمل الصالح بالحياة الطيبة والجزاء الحسن في الدنيا والآخرة
:):):)

فن الحياة : الصداقة والصحبة

فن الحياة : الصداقة والصحبة

للصداقة فن راقي , وأدب جم , وخلق خفي , إذ أن الصداقة مبدأ فطري في نفوس بني آدم ,وقديماً قيل الإنسان مدني او اجتماعي بطبعه
فالحاجة إلى مجالسة الأصدقاء لا ينكرها من ذاق لذتها
ويسمهيا الامام مالك بن دينار روح الدنيا

لكن من تصاحب ؟ في هذه الحياة ؟!!

لم اجد اجابة محكمة على هذا السؤال سوى حديث رسول الله صلّ الله عليه وسلم

مثل الجليس الصالح و السَّوء، كحامل المسك و نافخ الكير؛ فحامل المسك إما أن يُحديك و إما أن تبتاع منه، و إما أن تجد منه ريحا طيبة, والجليس السوء كنافخ الكير إما أن يحرق ثيابك، وإما أن لا تسلم من دخانه "متفق عليه

فعليك بالأخوة الصادقة الصالحة.. فابحث عنها وإن طال الزمن .. أخوة تستمر حتى في الدار الآخرة .. … إن الإسلام دين صفاء ونقاء وأخوة ومودة ولهذا حث ديننا العظيم على الاخوة وجعله من أفضل القربات قال صلى الله عليه وسلم " سبعة يظلهم الله في ظله يوم لا ظل إلا ظله : … وذكر منهم " ورجلان تحابا في الله … "فالأخوة في الله كنز لا يفنى .. وسعادة لا تنقضي .. تتناصحون .. وتشدون الأيادي معاً نحو الجنة بعزيمة صادقة وأعمال صالحة

وها هو نبينا صلى الله عليه وسلم ينقل لنا صورة معبرة مؤثرة واستمع إليه يا من كنت تحب أن تجدي لك

يوم القيامة من يدافع عنك

يقول صلى الله عليه وسلم : (فما مجادلة أحدكم لصاحبه في الحق يكون له في الدنيا أشد مجادلة من المؤمنين لربهم في إخوانهم الذين أدخلوا النار قال جل جلاله : (يقولون ربنا إخواننا كانوا يصلون معنا ويصومون معنا ويحجون معنا فأدخلتهم النار... فيقول اذهبوا فاخرجوا من عرفتم منهم فيخرجونهم ثم يأذن لهم فيخرجون من كان في قلبه مثقال ذرة من إيمان(

فسبحان الله ... فعلا الصديق وقت الضيق

الخلاصة _
الصديق من يصدُقـك القول وينصحك لله_

مهما اختلفت وتنوعت الصداقات وما يتخللها من احلام وامنيات زائفة فيظل الطريق إلى الله ولا

صداقة لمن لا تتلتمس طريقها على درب الهداية والنور

انتبه لمن التصاحب .. فان الصاحب ساحب كما يقولون _
مهما بعدت الاماكن بينك وبين من صديقك فلا يهم_
فإن التباعد لا يضر إذا تقاربت القلوب وبقي الدعاء بظهر الغيب
عليك بالبحث عن الصديق الصالح ولا تخجل اذا وجدته ان تخبره انك تحبه في الله _
اذا نقدك صديقك الصالح فاستمع له فهذا دليل على حسن صداقته لك وانه مهتم بك _

انتهي :)
ومع فنون اخرى ان شاء الله .. فتابعوناااا